Свештениците на француската Католичка црква сексуално злоупотребиле најмалку 3.000 деца
Најмалку 3.000 деца биле жртви на сексуална злоупотреба во француската Католичка црква од 1950 година, соопшти посебна комисија, при тоа нагласувајќи оти можно е реалниот број да биде многу поголем.
Претседателот на Комисијата, Жан-Марк Саув, изјава дека прелиминарните бројки сугерираат дека околу 1.500 свештеници и други црковни службеници сексуално злоупотребиле деца.
Комисијата беше формирана минатиот јуни на барање на француските владици по серија случаи на педофилија што ја потресе Црквата во Франција и во странство.
На линија за жртви беа пријавени 5.300 повици во текот на изминатата година, изјави Саув преку видео-конференција.
Бројот на проценети жртви претставува повеќе од 40 случаи годишно во просек во последните седум децении.
– Длабоко сум убеден дека има многу повеќе жртви, рече Саув.
Повикот за сведоци е продолжен до 31 октомври и истрагата на црковните архиви продолжи откако беше суспендирана за време пандемијата со новиот коронавирус.
Комисијата предводена од Саув, висок државен службеник, вклучува правни експерти, доктори, историчари, социолози и теолози.
Ново на Сител
-
Како линеарното покачување на пензиите ќе влијае врз ПИОМ?
-
Тема на денот со Љупчо Николовски, пратеник од СДСМ
-
100 дена Влада - Интеграција во ЕУ и подобрување на животниот стандард
-
Опозицијата за 100 дена Влада: Скандали, изговори и неисполнети ветувања
-
Пензионерите ги добија пензиите зголемени за 2.500 денари
-
Со средба во Прилеп пензионерите од повеќе градови од Македонија го одбележаа покачување на пензиите
-
Бизнисот разочаран, Синдикатот воздржан од 100-те дена нова Влада
-
Бактерија Стафилокока најдена во “бомбиците” кои ги јаделе децата од ОУ “Ѓорѓија Пулевски“