Сугарески: Автопатот Миладиновци-Штип ќе се изгради до октомври следната година
Автопатот Миладиновци - Штип ќе биде комплетно завршен за една година. Изградбата тече континуирано наместа со застои поради проблемите што се појавуваат со експропријација на земјиштето. Градежните работи се завршени со 75 проценти.
Ова го истакна денеска министерот за транспорт и врски Горан Сугарески кој заедно со директорот на ЈП за државни патишта Зоран Китанов изврши увид во градежните работи на автопатот Миладиновци-Штип, кој најави период во кој значително ќе се инвестира во патната инфраструктура во Република Македонија и каде ќе се исправат грешките направени од претходната Влада.
Министерот информираше дека минатата недела на владина седница е усвоен Анексот на договорот за изградба на овој автопат со кој се предлага рокот за изградба да се продолжи до крај на септември 2018 година. Дополнителен рок, како што рече, побара изведувачот, бидејќи не успеа да ја заврши изградбата во претходниот рок кој беше до 1 мај 2017 година. Пролонгирањето пак, посочи министерот, на изградбата нема да има дополнителни финансиски импликации врз буџетот.
- Како и на другите автопати и изградбата на овој автопат ја следеше низа проблеми и поради таквите проблеми претходната влада не успеа да го изгради во рокот предвиден со законот. Но, ве уверувам дека заедно со директорот на јавното претпријатие за државни патишта ќе сториме се што е во наша надлежност за да се испочитува овој рок до 30 септември 2018 година, изјави Сугарески.
Тој потенцира дека генерално почнато е со решавање на сите проблеми што се детектирани во изградбата на сите автопатишта, како и на експресните патишта.
Китанов потенцира дека пролонгирањето на изградбата на автопатот Миладиновци-Штип е поради отстранување на недостатоците што се појавени во текот на изградбата во изминатиот период, како дислокација на електрични столбови, ескпропијација на земјиште и свлечиште.
Потенцира дека изградбата на автопатот не е запрена во ниту еден моменто.
- Имавме намален интензитет, но во ниту еден случај не е стопирана изградбата на автопатот. Во моментот се ангажирани 600 работници, рече Китанов.
Ново на Сител
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок