Стејт департмент: Корупцијата ги оддалечува инвеститорите од Албанија
Албанија и понатаму е една од најкорумпираните земји во Европа, според Индексот за перцепција на корупција и други показатели, пренесува Ора њуз, повикувајќи се на последниот извештај на амерканскиот Стејт департмент, каде повторно се изнесени високи критички оценки за деловната клима во земјата.
Според извештајот странските инвеститори ја наведуваат корупцијата, посебно во судството, каде што неефикасните процедури ја поткопуваат заштитата во Албанија, поради што мора да бараат меѓународна арбитража за решавање на недоразбрањата. При тоа посебно го наведува случајот на една американска компанија.
„Во 2019 и 2020 година, напорите на една амерканска компанија да инвестира се спречени со неколку судски одлуки и сомнителни активности на заинтересирани страни. Работата сега е на меѓународна арбитража“, стои во извештајот пенесува телевизијата.
Според истиот извор како и во многу други извештаи, на што редовно прдупредуваат и медиумите, тендерите исто така остануваат предизвик.
Во извештајот се наведува дека пречка за странските инвеститори останува и недостигот на транспарентност во системот за јавни набавки, но и лошото спроведување на договорите. За голем товар за албанската економија се сметаат и концесиите.
„Зголемената употреба на договори за јавно приватно партнерство ги намали можностите за конкуренција, вклучувајќи ги и странските инвеститори, во инфраструктурата и другите сектори. Лошата анализа на трошоците и придобивките и недостатокот на техничка експертиза во изготвувањето и следењето на договорите за ЈПП се тековни грижи“, се наведува во извештајот.
Се посочува дека правата на сопственост и понатаму се предизвик во Албанија, затоа што е „тешко да се добие јасна потврда, а различните имиња во имотните листови се сметаат за сериозно и вообичаено прашање“.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација