Српскиот претседател потпиша декрет за распуштање на Парламентот
Српскиот претседател Томислав Николиќ денеска потпиша декрет за распуштање на парламентот и распишување на предвремени парламентарни избори на 24 април, пренесува Танјуг.
Николиќ свика предвремени избори откако коалициската Влада, предводена од „Српската Напредна партија“ соопшти дека има потреба од посилен мандат за да ги направи поефикасни економските реформи и да ги заврши преговорите за влез во ЕУ.
- Дојде време да ја испитаме поддршката, бидејќи реформите се сериозни и тешки и затоа е потребно граѓаните да се изјаснат - дали ги поддржуваат реформите или постои некоја подобра идеја или можеби некој друг кој ја заслужува довербата на граѓаните, нагласи Николиќ.
Српскиот претседател истакна дека очекува фер и демократски избори.
Според него, досегашната Влада направила многу за земјата, покренала цел систем реформи за кој мора да се обезбеди нов мандат, за да бидат сигурни дека она што го прават го прават по волја на граѓаните.
На прашања на новинарите, тој истакна дека сака да победи „Српската Напредна партија“, но исто така додаде дека нема да биде разочаран ако победи некој друг.
Претседателот го најави датумот за изборите на телевизиското обраќање на „РТС“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп