Средба Заев – Палмер: Со претседателските избори државата покажа дека е зрела демократија
Успешно спроведените претседателски избори ја носат државата во вистинскиот правец и ги олеснуваат заложбите за добивање на датум за преговори со Европската Унија, му соопштил заменикот асистент секретар за Европа и Евро Азија во Стејт Департментот на САД, Метју Палмер на премиерот Зоран Заев на нивната средба што се одржа во пресрет на отворањето на Генералното Собрание на ЕБОР во Сараево, БиХ.
На средбата, како што соопшти владината прес-служба, била потенцирана одличната соработка помеѓу Република Северна Македонија и Соединетите Американски Држави, при што премиерот Заев изразил голема благодарност за континуираната поддршка на САД за членство на нашата земја во НАТО и ЕУ.
-Демократските, фер и кристално чисти избори потврдија дека нашата земја станува зрела демократија, а граѓаните дадоа масовна поддршка на концептот едно општество за сите. Покажавме како земја дека имаме капацитет да ги решаваме тешките прашања, а сега сме фокусирани на иднината и економскиот прогрес на земјата. Со 12 ратификации на протоколот за нашето членство во НАТО веќе се чувствуваат позитивни ефекти и охрабрување за нови инвестиции. За нас е многу важно Европската унија да ни даде датум за преговори во јуни за да го оствариме европскиот сон на многу генерации наши граѓани, нагласил премиерот Заев.
Палмер ја потенцирал важноста нашата земја да добие датум за преговори со ЕУ и во таа насока посочил дека е оптимист посебно заради фактот што Северна Македонија покажа дека е пример во регионот со потпишувањето и реализацијата на Преспанскиот договор и со реформските процеси.
Ново на Сител
-
Во Охрид до 15 часот гласале околу 38, во Дебрца околу 37 отсто од гласачите
-
Во Тетово до 15 часот за претседател - 21,31 проценти излезеност, за пратеници - 37,01 отсто
-
Во Охрид до 15 часот гласале околу 38, во Дебрца околу 37 отсто од гласачите
-
Во Гостивар до 15 часот излезеноста за претседателските под 20 проценти, за парламентарните 26,6 проценти
-
ДИК: Излезеноста до 15 часот за претседателските избори 33,73 отсто, а за парламентарните 37,44 проценти
-
Излезноста до 15 часот во Дебар, за претседателските избори 15 отсто, за парламентарните 23 отсто
-
Излезноста до 15 часот за претседателски избори е 32,28% , за парламентарни 36,89
-
Во Демир Капија над 46 отсто излезност до 15 часот, во Неготино над 42 проценти