Средба на вицепремиерот Пешевски со Марко Мантованели
Македонија оствари голем прогрес кога станува збор за подигнување на конкурентноста на македонските компании и за подобрување на условите за водење на бизнис, заклучија на денешната средба вицепремиерот за економски прашања Владимир Пешевски и Марко Мантованели, кој наскоро ќе биде директор на Канцеларијата на Светска банка во Република Македонија.
Како што соопшти Кабинетот на Пешевски, на средбата е потврдена одличната соработка која изминативе години Владата на Република Македонија ја има со Светска банка.
Вицепремиерот Пешевски истакна дека Владата во Светска Банка гледа стабилен партнер и сериозен поддржувач, а доказ за тоа се досега спроведените 61 проект за кои се инвестирани големи финансиски средства.
Тој потенцира дека со шесте проекти кои се во тек на имплементација значително ќе се подобри локалната, регионалната и националната инфраструктура, ќе се подобрат услугите на локалната самоуправа, а особено е значајно што ќе се подигне конкурентноста на локално и регионално ниво.
Особено внимание, за време на разговорот, Пешевски и Мантованели посветија на Проектот за подобрување на локалната и регионална конкурентност во областа на туризмот. Овој проект кој е координиран токму од вицепремиерот Пешевски, ќе се реализира во соработка со Светската Банка, а се финансира преку средства од ИПА фондовите.
Ново на Сител
-
Извозот од земјава во јануари-февруари изнесува 75 650 милиони денари, што е пораст од 1.6 проценти во однос на истиот период лани
-
Зголемени цените на угостителските услуги
-
САД го прекинаа емитувањето на „Радио Слободна Европа“ во Русија, Украина, централна Азија и Источна Европа
-
Димитриевски: Дијалогот во политиката е добредојден, но креатарот на проблемите не треба да биде и креатор на решенијата
-
Шевченко ја обвини УЕФА дека не сака да има Украинец во раководството на организацијата
-
Трамп разговараше со Нетанјаху за царините
-
Андон Чибишев: Минути биле пресудни за спас од отровните гасови во „Пулс“
-
Рубио: Наскоро ќе знаеме дали Русија сака мир