Средба на Спасовски со одбиените кандидати за полициски службеници
Министерот за внатрешни работи Оливер Спасовски денеска, на нивно барање, одржа средба со претставниците на кандидатите за полициски службеници коишто ги поминаа претходните обуки за прием на полициски службеници во МВР, но кои согласно пропишаните конкурсни правила поради ниското рангирање не склучија договор за вработување во МВР.
Како што соопшти МВР, на средбата министерот Спасовски го повтори својот став од пред година и пол дека ќе стори се што е во рамки на неговите надлежности и во согласност на законските прописи да им излезе во пресрет на барањата на одбиените кандидати. Особено што актуелната состојба во Министерството, се додава, покажува дека наспроти прекубројната вработеност во административен и друг персонал, полицијата е реално дефицитарна токму со полициски службеници.
- Спасовски им посочи на одбиените кандидати дека според конкурсните правила воспоставени пред неколку години - сите примени кандидати по минувањето на тестирањето и започнувањето на обуката за полициски службеник го верификувале, со свој потпис, правилото за конечно рангирање по кое отпаѓаат уште 10 проценти од кандидатите, односно оние што добиле најниски оценки на обуката, се наведува во соопштението.
Спасовски, кој и пред две недели, исто така, одржа средба со претставниците на одбиените кандидати, се додава, нагласил дека пропишаните процедури и правила на конкурсите за полициски службеници се прецизни.
- Секакви поинакви толкувања, како што беше минатонеделното јавно истапување на одбиените кандидати, претставуваат обични шпекулации од кои единствена корист имаат само некои интересни или политички групации, а не одбиените кандидати за полициски службеници, стои во соопштението од МВР.
Ново на Сител
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук