Средба на министерката Арсовска Томовска со новиот естонски амбасадор во Македонија
Министерката за информатичко општество и администрација Марта Арсовска Томовска денеска се сретна со новоименуваниот амбасадор на Естонија за Македонија, Даниел Ерик Шаер.
Како што соопшти Министерството за информатичко општетсво и амдинистрација (МИОА), средбата била посветена на меѓусебно запознавање и разговори за продолжување и продлабочување на соработката меѓу двете земји, во насока на понатамошен развој на информатичкото општество.
- Како една од водечките ИТ земји во Европската Унија, која во последните години има енормен развој во секторот за информатички технологии, во Естонија ИТ компаниите имаат голема потреба од едуцирани и искусни инженери. Во таа насока беше посочена соработката која МИОА во изминатите неколку месеци ја имаше со естонската компанија Нет Груп, во пронаоѓање соодветна софтверска компанија за воспоставување партнерски односи со ИТ компанија во Македонија. Притоа, амбасадорот Ерик Шаер потенцираше дека постојат и други компании со кои ќе може да се воспостави ваква соработка, а посочи и дека ќе ги разгледа ЕУ проектите и можностите за соработка и поддршка на проектите на кои што работи министерството, се вели во соопштението.
Амбасадорот исто така ќе ја разгледал можноста за учество на естонски експерти во процесот на подготовка на Долгорочната Стратегија за развој на ИКТ-индустријата во Република Македонија. Даниел Шаер бил поранешен амбасадор во Руанда, а од овој месец е назначен за амбасадор на Естонија во Македонија, Босна, Србија и Црна Гора.
Ново на Сител
-
Изгаснат пожар во стан од зграда во централното градско подрачје во Куманово
-
Затвореник нападнал и силувал друг затвореник во Идризово
-
Двајца вработени на УНХЦР загинаа во израелските напади врз Либан
-
Полицијата најде младо починато момче во Скопје
-
Владата ги укина лиценците за интернет игри на среќа
-
Министерот Мисајловски во Вашингтон на билатерални одбранбени консултации со САД
-
Мицкоски: Албанскиот јазик не е загрозен, лично го почитувам и тоа го покажуваме со дела
-
Курти: Нападот во Бањска беше терористички чин на агресија против територијалниот интегритет на Косово