Средба Бектеши- Ибрахимај: Со зголемување на соработката до полесно надминување на кризата
На следната седница на Владата, Министерството за економија ќе предложи укинување на одлуката за забрана за извоз на основни прехранбени производи меѓу кои и сончогледово масло за јадење, кои се главно инпути за производство на финални производи од производствени компании во Албанија и други земји во регионот, најави министерот за економија, Крешник Бектеши по денешната средба со министерката за финансии и економија на Албанија, Делина Ибрахимај во Тирана.
На средбата помеѓу двајцата министри се разговараше за можностите за зголемување на трговската размена меѓу двете земји, но и со другите земји од Западен Балкан.
Според Бектеши, само минатата година трговската размена меѓу двете земји ја надмина сумата од 200 милиони евра, за разлика од претходните години кога изнесуваше 140 милиони евра.
-Имавме многу плодна соработка со Република Албанија, дури и во минатото. Но, секако за време на кризата и на енергетски и на економски план. Споделивме искуства меѓу двете земји со единствена цел што е можно полесно да се справиме со оваа криза, што во регионот на Западен Балкан е увезена криза, поради руската инвазија на Украина и внатрешните фактори на кризата се минимални или речиси непостоечки, имајќи предвид дека изминатите години не беа прекрасни години во однос на трговската соработка меѓу двете земји, но и зголемувањето на трговската соработка меѓу земјите од Западен Балкан, кажа Бектеши.
Меѓу другото нагласи дека нашата држава ја поддржува секоја иницијатива со цел да се влијае на економскиот раст и зголемување на животниот стандард, што е предуслов за членство на двете земји во Европската Унија. Исто така најави дека во рамките на „Отворен Балкан“ во наредните денови ќе има и други средби на кои ќе се разговара за теми поврзани со апсорпцијата на инвестициите и туристичката промоција на двете земји.
-Иницијативи кои секојдневно ги промовираат премиерите на нашите две земји даваат добри резултати, особено во време на криза, а за таа цел Северна Македонија ја поддржува секоја иницијатива насочена кон влијание на економскиот раст и подигање на животниот стандард, како предуслов и подготовка за полноправно членство во Европската Унија на двете земји. Во наредните денови во рамките на „Отворен Балкан“ ќе имаме и други средби, на кои ќе разговараме за теми поврзани со апсорпција на инвестициите и промоција на туризмот во двете земји. Драго ми е што од Северна Македонија, особено по пандемијата, значително е зголемен бројот на туристи кои ја посетуваат Република Албанија и многу туристи од Албанија ја посетија Северна Македонија. Сметаме дека граѓаните на двете земји треба да ги познаваат убавините и да ги посетуваат нашите земји кои се развиваат од ден на ден, рече Бектеши.
Албанската министерка Ибрахимај средбата со министерот Бектеши ја оцени како плодна и додаде дека со иницијативата „Отворен Балкан“ се донесени значајни одлуки во однос на слободното движење на луѓе, стоки и ќе продолжат да го олеснуваат заедничкиот пазар и економската одржливост.
-Средбата беше плодна, односите меѓу Албанија и Северна Македонија се многу добри и од година во година се зајакнуваат. Всушност, во рамките на иницијативата „Отворен Балкан“ донесовме неколку одлуки за олеснување на трговијата, за олеснување на слободата на движењето на луѓето, работата и планираме да продолжиме да го олеснуваме заедничкиот пазар и економската стабилност. Одлучивме дека ќе ги преземеме сите оние чекори кои дополнително ќе ја олеснат нашата интеграција во Европската Унија, рече Ибрахимај.
И во рамките на иницијативата „Отворен Балкан“ и сите договори за слободна трговија и во рамките на ЦЕФТА, додаде, разговаравме детално за ефектите што ги предизвика руската агресија врз економската криза.
-Трговските канали и каналите за трговска размена се клучни за најдобро да се справиме со снабдување на населението со оние производи кои се од витално значење и неопходни за тргување. Сакам да му се заблагодарам на министерот Бектеши, бидејќи Северна Македонија утре ќе донесе важна одлука со која ќе дозволи извоз на сончогледово масло во Албанија, кој производ главно се увезуваше од Украина и имаше недостиг на меѓународните пазари, а тоа беше зошто цените се повисоки. Уверувам дека односите меѓу двете земји на полето на трговијата ќе продолжат да бидат многу добри и ќе продолжиме да ги олеснуваме сите процедури што ги презедовме во рамките на „Отворениот Балкан“, рече министерката Ибрахимај.
Ново на Сител
-
Преглед на вестите од светот
-
Со повисоки субвенции до повеќе патници во авиосообраќајот
-
Тема на денот со проф. д-р Кети Ставриќ, имунолог
-
Пукале петарди и палеле жижици: Тројца малолетници го предизвикале големиот пожар кај Расадник
-
Критично кај Мариово
-
Премиерот објавува намалени цени во дел од книжарниците, граѓаните се жалат дека нема намалување
-
Реформа во образованието: Децата ќе остануваат подолго во училиште, ќе имаат многу спорт, интерактивна настава...
-
Потврден случај на морбили кај 12 годишно дете од Петровец – заразата е увезена од Србија