СПМ: Никој нема право да тргува со македонскиот идентитет, со историјата и македонскиот јазик
Социјалистичката партија на Македонија последната изјава на еврокомесарката за проширување за неможноста за давање гаранции за евроинтегративниот процес на Македонија ја оценува како најава за натамошни бугарски блокади и уцени кои може да се очекуваат во иднина.
Социјалистичката партија на Македонија потсетува дека во изминатите 20 години Република Македонија направи отстапки кои од ниту една друга држава не се побарани за да стане земја членка на ЕУ. И покрај тоа на Македонија и се наметнуваат нови билатерални прашања кои се под форма на европски барања, а кои не се соддржани во Копенхагеншките критериуми за прием во ЕУ. Таквиот однос отстапува од досегашната пракса на прием на држави членки во ЕУ кои имаа многу посериозни проблеми во периодот на приемот, но од нив не беа побарани никакви отстапки.
Социјалистичката партија на Македонија повторно напоменува дека никој нема право да тргува со македонскиот идентитет со историјата и македонскиот јазик. Македонскиот народ бара ваквиот понижувачки однос од одредени домашни политички партии и од некои земји членки на ЕУ да престане и да започнат преговорите со меѓусебно почитување и разбирање.
Социјалитичката партија на Македонија укажува дека прием во ЕУ по секоја цена е неприфатлив за македонскиот народ кој е горд на своите достигнувања и својот идентитет и култура.
Преговори под услови на уцени и со најави за идни блокади без било какви гаранции согласно критеруимите од Копенхаген не се прифатливи.
Македонските социјалисти укажуваат на јасно изразената волја на гласачите на минатогодишните парламентарни избори за заштита националните и државни интереси и заштита на достоинството на македонскиот народ.
ИНФОРМАТИВНА СЛУЖБА НА СПМ
Ново на Сител
-
Трамп: Ќе се случи нешто во Украина, работите ќе се средат
-
Андоновски: Имаме капацитет за спроведување дигитален попис, во 2026-та ако бидеме подготвени
-
Скопје денеска со третата највисока температура во Европа – 41,7°C
-
Орбан: Да бараме од нашите семејства да плаќаат 3,5 пати повеќе за гас? Тоа не е лидерство, туку економско самоубиство
-
Путин: Русија ќе ги намали воените трошоци и е отворена за преговори со Украина
-
Рекордни температури и пожари на Балканот, се очекува разладување за викендот
-
Вицепремиерот Николоски учествува на Форум за министри за транспорт во Истанбул
-
Сиљановска-Давкова ги прими припадничките на Армијата кои успешно ја завршија обуката во САД