Спасители од Битола отпатуваа за Турција, утре вонредна седница на општинскиот Совет
Пет битолчани од тимот на Дирекцијата за заштита и спасување, подрачна единица- Битола отпатуваа за Турција за да се вклучат во спасувачката мисија во подрачјата погодени од земјотресот.
Од Општина Битола информираат дека на иницијатива на градоначалникот Тони Коњановски и претседателката на Советот, Габриела Илиевска, утре ќе се одржи вонредна седница на Советот, на која ќе биде донесена Одлука за обезбедување средства од буџетот на општината, како донација за семејствата на настраданите во Турција и Сирија.
-Ова е само еден од начините, со кои Општина Битола, се обидува да обезбеди поддршка за населението во овие земји кои се соочуваат со тешки материјални и човечки загуби, после катастрофалниот земјотрес. Пријателството меѓу Битола и Турција, се негува многу години, како со збратимениот град Бурса, така и со други градови од оваа земја, се нагласува во соопштението на Општина Битола.
Длабоко жалење и сочувство до семејствата на настраданите од земјотресот, изрази градоначалникот на Општина Битола Тони Коњановски.
Ново на Сител
-
На преговорите во Каиро поканета и израелска делегација
-
Недовршен портрет од Густав Климт, продаден за 30 милиони евра
-
ПМФЛ: Неочекуван пораз на Струга
-
Манчестер јунајтед подготвен да потроши 80 милиони евра за Араухо
-
Партиите бараат од граѓаните масовно да излезат на гласање на 8 мај, ВМРО-ДПМНЕ се изјасни дека би формирала влада со Вреди
-
Комисијата за осигурување од автомобилска одговорност ќе одлучува за поскапувањето на полисата
-
Учениците на пролетен распуст, наставата ќе продолжи на 7 мај
-
Блинкен во посета на Саудиска Арабија, Јордан и Израел