Совет на ЕУ: Турција продолжува да се дистанцира
Советот за општи работи на ЕУ забележа дека Турција продолжува да се дистанцира од Европската унија, јави ДПА, повикувајќи се на заклучоци од состанокот на Советот.
Земјите од ЕУ ја критикуваа надворешната политика на Турција, за која велат дека се повеќе се коси со приоритетите на ЕУ. Тие го наведуваат примерот на Либија, каде се тврди дека владините сили добиваат илегални испораки на оружје од Турција.
Во заклучоците на Советот за општи работи на ЕУ беа критикувани и прекршувањата на царинскиот договор меѓу Турција и ЕУ.
Советот, исто така, ја нагласува својата „сериозна загриженост за натамошното загрижувачко повлекување во области како што се демократијата, владеењето на правото и основните права, вклучително и слободата на изразување, како и систематскиот недостаток на независност на судството“.
ДПА посочува дека преговорите со Турција не се целосно прекинати поради важноста на земјата во борбата против илегалната миграција во Западна Европа. Турција ќе продолжи да добива финансиска помош од ЕУ и идно финансирање за бегалците, се вели во документот.
Ново на Сител
-
Гутереш повика на итна деескалација на тензиите меѓу Израел и Иран
-
Пронајден исчезнатиот Владимир од Штип
-
Утрово Иран започна четврти бран напади врз Израел
-
Почнува уписот во средните училишта, од денеска прво електронско пријавување
-
Израелски напади ја оштетиле надземната структура на нуклеарниот објект во Натанц, потврди МААЕ
-
Иран ги обвини САД за соучесништво со Израел и го оцени како „бесмислен“ дијалогот за нуклеарната програма
-
Сончево и топло, долж Повардарието повремено засилен ветер од северен правец
-
Сообраќајот тековно, нема подолги задржувања на граничните премини