Состанок за одржливост и развој на сервисите за стари лица

Во Дневниот центар за стари лица во ДХО „Даре Џамбаз“ денеска ќе се одржи состанок на претставници на релевантни институции и организации за одржливост и развој на сервисите за стари лица. Состанокот е во рамки на проектот „Дневен центар за стари лица и центар за давање помош во домашни услови“ - Грижа за стари лица на Црвен крст на град Скопје.

Проектот е финансиран од компанијата ЕВН Македонија, австрискиот Црвен крст и Град Скопје. Преку него се посетуваат повеќе од 120 стари лица во домашни услови од страна на 4 медицински сестри и 20 волонтери, а се даваат услуги и во Дневниот центар за стари лица на повеќе од 300 лица месечно.