Сојуз на земјоделски здруженија: Постигнат договор со четири компании за повисоки цени на тутунот
– Во просек за 20-тина отсто се зголемуваат откупните цени на тутунот во пресрет на откупната кампања на годинашнава реколта. Според Сојузот на земјоделските здруженија на Македонија постигнат е договор со четири откупни компании, а другите, уверени се од Сојузот, ќе го следат примерот.
Менде Стомнароски, претседател на Сојузот вели дека тоа и квалитетниот род ќе ги ублажат трошоците во производството.
-Постигнат е договорот со четири откупни компании за повисоки цени по класи. Сега првата класа е 300 денари (од 280), втората од 200 се зголеми на 240, третата од 150 на 180 денари, а четвртата класа од 80 сега е 100 денари за килограм. Многу ни е важно зголемувањето на втората и третата класа за 20 насто зашто најмногу од родот е во тие класи. Очекувам другите компании да го следат примерот на овие четири, а може и да изненадат и со повисоки цени. Тоа ќе ги ублажи трошоците во производството. Ние не застануваме тука, туку ќе ги следиме промените на цените на другите производи со инфлацијата и економската криза за да дејствуваме, изјави Стомнароски.
Годинашниов род е договорен на 26 000 тони, но очекувањата се дека ќе биде околу 19 000 тони.
– Родот е одличен, квалитетен, што е добро за постигнување пореални цени при откупот, смета Стомнароски.
Горан Бозароски, тутунопроизводител од Прилепско има два тона тутун и очекува добро да помине при претстојниот откуп. Признава дека недостига работна рака, а единствено ќе помогне поддршката од државата за земјоделецот.
– Најтешко е при бербата, младите не се мотивирани да работат напорно, зашто тутунопроизводството е долготраен и тежок процес. Но тутунот е стратешка култура и очекувам да ја има поддршката. Ги поддржувам земјоделците, а политичарите треба да знаат дека државата може да се развива само со унапредено земјоделство и земјоделци на кои им се исплаќа вложениот труд, вели Бозароски.
Откупната кампања може да почне од 15 ноември, но крајниот законски рок за откупувачите да ги отворат пунктовите е 15 декември. Со тутунопроизводство во земјава, велат од Сојузот, се занимаваат околу 20 000 семејства. Најавени се 10 откупни компании да го преземаат годинашниов род на тутунот.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево