Сочувство и обид за добивање политички поени во Германија по нападот во Ница
Германија е заедно со Франција во битката против тероризмот, порача германската канцеларка Ангела Меркел во врска со нападот во Ница.
- Обединети сме во шокот. Тоа што го чуствуваат сојузниците на Франција за настаните во Ница не може да се опише со зборови, порача канцеларката од Азиско-европскиот самит во Монголија.
Како што јави дописникот на МИА од Берлин, германскиот претседател Јоаким Гаук пак оцени дека „нападот врз Франција“ е напад врз целиот слободен свет.
- Жалиме со Франција денеска и искажуваме целосна поддршка во овие тешки моменти, им порача на француските граѓани германскиот министерот за надворешни работи Франк Валтер Штајнмајер.
Неговиот партиски шеф вицеканцеларот Зигмар Габриел во изразите на сочувство изјави: „До нас пристигнуваат ужасни слики од Ница. Нашите мисли се со семејствата и пријателите на загинатите и повредените“.
А настанот во Ница за изразување сочувство, но и во политички цели го искористи партијата Алтернатива за Германија, чија лидерка преку социјалните мрежи индиректно ја критикуваше германската Влада за својата политика на отворени врати за мигрантите.
- Колку пати?, прашува Фрауке Петри, лидер на АФД користејќи го хаштагот „Граници наместо тероризам“ на својот профил на социјалната мрежа Твитер.
Ново на Сител
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници
-
Курти: Србија пропагира за насилство врз Србите во Косово, а фактите го кажуваат спротивното