Собранието ќе избира состав на ДИК
Собранието на Република Македонија, се очекува вечерва да го избере составот на Државната изборна комисија (ДИК).
Во 19 часот, пак, треба да започне седницата на Комисијата за прашања на избори и именувањата која што треба да произлезе предлогот за членови на ДИК која треба да го спроведе есенскиот референдум за името. Членовите на ДИК ќе се бираат од листата од 40-ина кандидати што беа пријавени на конкурсот распишан од Собранието.
Ова ќе биде привремен состав на ДИК. Претседателот ќе биде од редот на опозицијата, а неговиот заменик на предлог на владејачката СДСМ.
Според предлог на партиите, се очекува членови на ДИК предложени од СДСМ да бидат Борис Кондарко, Јанакие Витановски и Радица Ристевска, опозициската ВМРО-ДПМНЕ ги предложи Оливер Дерковски кој истовремено треба да биде и претседател на Комисијата и Елизабета Постоловска. Свои членови во ДИК ќе имаат и ДУИ и, според информациите, заеднички кандидат Алијанса на Албанците и Беса.
Веднаш по одржувањето на оваа седница треба да почне пленарната седница за законите договорени на претпладневниот дел од денешната лидерска средба, како и за ДИК. Најавена беше и можност за донесување одлука за распишување на референдумот доколку се постигне договор, но на лидерската средба партиите имаа различни ставови во врска со референдумското прашање.
Ново на Сител
-
Силна експлозија уништи зграда во областа Монтеверде во Рим
-
Папата денеска се појавува во јавноста за прв пат откако беше хоспитализиран
-
Неправилности утврдени кај 11 правни и 10 физички лица кои вршат превоз на патници и стоки
-
Додик: Повторно се кандидирам за претседател, ќе спроведеме избори на ниво на РС
-
Израелската армија соопшти дека пресретнала ракета истрелана врз Израел од Јемен
-
Во УКЦС во Белград се 17 пациенти од пожарот во Кочани, двајца се на механичка вентилација и двајца оперирани
-
Николовски: Има голема потреба од кадровско екипирање и засилување на Инспекторатите на државните органи
-
Утрово измерени 3 степени во Берово, Лазарополе, Попова Шапка и 10 во Штип и Демир Капија