Соботка: Спречен е евентуален терористички напад во Виена
Австрискиот министер за внатрешни работи Волфганг Соботка синоќа потврди дека полицијата спречила можен терористички напад, а осомничен е австриски државјанин од албанско потекло.
Тој на прес-конференција, која е веднаш закажана по објавената вест во медиумите дека е уапсен еден исламистички радикализиран Албанец кој планирал бомбашки напад во Виена, изјави дека е уапсено лице кое е осомничено за тероризам. Тој укажа дека во 10-от виенски округ било уапсено 18-годишно момче, а во тек е истрага, поради што не биле соопштени подетални информации.
Соботка истакна дека укажувањата за уапсениот и можните планови за бомбашки напад се добиени од странство, но одби да каже која земја ги испратила предупредувачките информации.
Австрискиот министер нагласи дека осомничениот бил следен неколку дена од властите, а моментно се анализира поврзаноста на уапсениот со странство.
Тој изјави дека домашните безбедносни сили ќе останат во степен на зајакната приправност додека трае истрагата.
На прашањето кои биле планираните мети на осомничениот, Соботка одговорил дека станувало збор за подземната железница, но и напади слични на тој во Берлин и најновиот во Мелбурн.
Соботка ги повика граѓаните да бидат внимателни и да пријавуваат сомнителни ситуации.
Ново на Сител
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички