Соботка: Можни се предвремени парламентарни избори во Чешка
Чешкиот премиер Бохуслав Соботка, кој претходно ја објави својата оставка, не ја исклучува можноста од предвремени парламентарни избори.
- Таквата можност не е исклучена. За тоа треба да се договорат сите парламентарни партии, а не само кои се во составот на владејачката коалиција, истакна Соботка.
Соботка денеска поднесе оставка што доведе до пад на Владата.
Одлуката на Соботка уследи по неговиот конфликт со министерот за финансии, влијателниот милијардер Андреј Бабиш, кој е осомничен за даночни измами.
- Наскоро ќе ја врачам оставката до претседателот Милош Земан. Неприфатливо е Андреј Бабиш да остане на функцијата министер за финансии, изјави социјалдемократот Соботка.
Според Уставот претседателот на Чешка, Милош Земан е должен да ја прифати оставката на Соботка. Но, кабинетот на Земан се уште не ја коментирал оставката на премиерот.
Бабиш, лидер на центристичкото движење Акција на незадоволните граѓани 2011, ги отфрла сите обвинувања против него за неплаќање на даноци и одби да поднесе оставка од функцијата министер за финансии.
За шест месеци во Чешка, на 20 и 21 октомври, треба да се одржат редовни парламентарни избори, а Движењето на Бабиш според анкетите е фаворит, додека социјалдемократите на Соботка се на второ место.
Ново на Сител
-
За пациентките од крајниот исток нема можност за преглед на мамограф во ЈЗУ
-
Во Брисел нема расположение за уставни измени со одолжено дејство, но предлогот не е ниту одбиен
-
Дурмиши: Цените се намалени за 5 до 10 %, есенската кошничка месечно заштедува до 1300 денари
-
Преглед на вестите од светот
-
Можни ли се уставни измени со одложено дејство?
-
Mожни ли се уставни измени со одложено дејство?
-
Тема на денот со Симонида Кацарска, директорка на ЕПИ
-
Преглед на вестите од светот