Случајот „Беса Транс“ падна на Апелација, се враќа на почеток

Случајот „Беса Транс“ падна на Апелација, односно второстепениот суд ја укина првостепената пресуда и случајот го врати на повторно судење, дознава Алсат.

Судијата Ивица Стефановски кој го водеше случајот, во март годинава ја објави пресудата во Основниот кривичен суд Скопје, и наведе дека обвинетите Беким Хаџиу и правното лице „Беса Транс“ се виновни затоа што обвинетиот, како управител на правно лице „Беса Транс“ во повеќе наврати употребил како вистинска лажна јавна исправа, извод од лиценца за вршење на јавен превоз во меѓународниот патен сообраќај, која што воопшто не била издадена од страна на Министерство за транспорт и врски за тој автобус.

Првостепеното судење за овој случај започна на 15 ноември 2022 година.