Словенија сака да ја воведе за употреба вакцината Спутник В и чека одобрение од ЕМА
Словенија ја стави руската вакцина Спутник В на својата листа на кандидати за кампањата за имунизација против Ковид-19 и чека одобрување од Европската агенција за лекови (ЕМА) за овој препарат.
– Советодавната група за вакцинација неодамна препорача да се набават сите вакцини што ги разгледува ЕМА. Ние го сторивме тоа, така што, откако ќе биде одобрено, можеме да започнеме со употреба на вакцината веднаш за да не губиме време, изјави шефицата на националната советничка група за имунизација Бојана Беовиќ.
Руските медиуми на 12 април објавија дека експерти од Европската агенција за лекови престојуваат во Москва за да ја проценат вакцината Спутник В, наведувајќи дека претставниците на ЕМА исто така ќе ги посетат производствените капацитети.
Словенија досега вакцинирала вкупно 360.450 лица против коронавирус, што е 17,2 проценти од населението, а 136.582 примиле две дози од вакцината, претежно Астра Зенека и Фајзер.
Словенија, исто така, набави вакцини од Џонсон и Џонсон, но не ги користи, чекајќи нова одлука од европското регулаторно тело, откако САД привремено ја прекинаа имунизацијата со оваа вакцина.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување