Словенечките практики и искуства во повеќе сфери ќе се спроведуваат во Македонија
Словенечките институции ќе ги поддржат процесите на усогласување на македонското законодавство со законодавството на ЕУ во повеќе области, а ќе се користат и словенечките искуства во евроинтеграциските процеси.
За ова во рамки на посетата на Словенија разговарале министерот без ресор задолжен за регулатива за подобрување на инвестициската клима за домашните компании Зоран Шапуриќ и генералниот секретар на Владата, Драги Рашковски со министерките за труд, семејство, социјални работи и еднакви можности и за образование, наука и спорт, Ања Копач Мрак и Маја Маковец Бренчич.
Како што информира денеска Кабинетот на министерот, на средбите на Шапуриќ и Рашковски им биле изложени словенечките практики од проектот „Субвенционирање на студентски оброк“ поради потребите од негово воведување во Република Македонија, како и за правната регулатива поврзана со овој проект, кој повеќе години успешно се применува во Словенија.
Министерките Копач-Мрак и Маковец-Бренчич изразиле подготвеност за целосна поддршка на Владата на Република Македонија за имплементација на словенечките практики и искуства во повеќе сфери, како и поддршка на премиерот Зоран Заев за спроведување на реформските процеси.
За време на посетата Шапуриќ и Рашковски се сретнале и со претставници на повеќе институции и организации на Словенија поради искористување на словенечките искуства за воведување единствени регистри во повеќе области, како и со советникот на премиерот на словенечката влада, Клемен Бабник.
Ново на Сител
-
Мицкоски: Тензиите околу црквата во Врапчиште се дел од обидите за дестабилизација
-
Собранието ја почна процедурата за измени во Законот за локална самоуправа
-
Мицкоски: Ќе почекаме политичка влада во Бугарија, македонските ставови се јасни
-
Следната недела ќе се донесе есенска кошница со 100 производи
-
Дури 80 проценти од граѓаните од свој џеб си ги плаќале лековите кои им ги дале лекарите
-
Дали оптимизацијата на училиштата ќе ја извади Македонија од образовната криза?
-
Боки 13 повторно на обвинителна клупа за „Меѓународен сојуз“
-
Преглед на вестите од светот