Скопје руши рекорди во загаденост - екстремно загаден воздухот и вечерва

Скопје руши рекорди со загадениот воздух, ситуацијата е алармантна, а нивото на штетни ПМ10 честички е многу високо.

Мерните станици на Министерството за животна средина и просторно планирање покажале најголема загаденост кај Ректорат каде  се измерени 502 микрограми на метар кубен ПМ10 честички.

Во Лисиче се измерени 340 микгрограми на метар кубен ПМ10 честички, во Центар 429, додека во Карпош 336 микрограми.

Во Гази Баба мерната станица ја регистрирала највисоката вредност од 387 микрограми.

Скопје е рекордер меѓу сите градови по загаденоста на воздухот, а лекарите апелираат кога е екстремно загадено да не се излегува надвор и да не се спортува на отворено.