Сириски бунтовници презедоа контрола врз граничен премин меѓу Сирија и Ирак
Бејрут, 5 март 2016 (МИА) - Група сириски бунтовници синоќа презедоа контрола врз граничен премин меѓу Сирија и Ирак, соопшти Сирискиот центар за мониторинг на човекови права, со седиште во Лондон.
Бунтовниците влегле на сириска територија преку Јордан, каде биле обучувани. Потоа заминале кон преминот Танаф, чиј ирачки дел е контролиран од борци на Исламска држава.
Во мај минатата година ИД го презеде Танаф заедно со Палмира. Во тој период Танаф беше последниот граничен премин меѓу Сирија и Ирак, кој беше контролиран од силите на режимот во Дамаск. По офанзивните бомбардирања на меѓународната коалиција врз позиции на ИД, изламистите се повлекоа од сирискиот дел на Танаф и на тој начин им овозможија полесен напредок на бунтовниците.
На останатиот дел од сириско-ирачката граница ИД се уште го контролира централниот и стратешки граничен премин Абу Камал, а курдските сили преминот Јарабија.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време