Симулациска вежба за сообраќајка со повредени во Охрид
Симулациска вежба „Сообраќајна несреќа со поголем број повредени и со изгореници” организира денеска во охридскиот регион Министерството за здравство, во соработка со Канцеларијата на Светската здравствена организација во Скопје.
Целта е подигнување на степенот на подготовка при кризни состојби. Вежбата, шto ќе почне напладне, ќе се одржи на крстосницата од улиците „Партизанска“ и „АСНОМ“. Ќе учествуваат Итната медицинска помош при Здравствен Дом-Охрид, Општа Болница-Охрид и Црвен Крст на РМ, при што ќе биде симулирано укажување на извлекување, прва медицинска помош, тријажа, евакуација и транспорт на повредени при сообраќајна несреќа. Исто така, ќе биде прикажан и третманот на изгореници на повредените.
Вкупно ќе бидат ангажирани четири санитетски возила на Итната медициска помош Охрид. Планирано е учество и на МВР, ЦУК, ДЗС, ПП служба од Охрид и Општина Охрид.
За правилен и навремен одговор за прифаќање и укажување медицинска помош со дијагностички и терапевтски процедури при зголемен прилив на пациенти (повредени/заболени) подготвен е план за одговор при вонредни/кризни состојби на ниво на ЈЗУ Општа Болница-Охрид. Министерството за внатрешни работи-СВР Охрид има подготвен оперативен план со распоред на самото место на настанот и долж предвидената траса за движење на возилата на ИМС. Противопожарната служба-ТППЕ Охрид има подготвен претходно свој оперативен план за дејствување при сообраќајни несреќи. Црвениот крст на Република Македонија и Црвен Крст-Охрид во соработка со ИМС ќе подготви листа на повреди и за таа цел ќе обучи 15 волонтери со цел симулација на предвидените повреди
Вежбата се реализира во рамки на договорот за соработка меѓу Министерството за здравство и Светската здравствена организација, како дел од приоритетот за здравствена безбедност, одговор и подготовка при кризни состојби.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект