Силен земјотрес во реонот на панамско-колумбиската граница

Земјотрес со интензитет од 5,9 степени според Рихтеровата скала е регистриран соноќа во реонот на границата меѓу Панама и Колумбија, соопшти Американскиот геофизички институт.

Земјотресот бил на длабочина од 10 километри под површината на земјата, со епицентар на 84 километи источно од панамскиот град Ла Палма и 29 километри јужно од колумбискиот град Аканди. 

Засега нема информации за жртви или предизвикани материјални штети.

Испаничени жители на Аканди и на соседниот град Унгија за колумбиските медиуми изјавија дека потресот траел околу 30 секунди.