-->
-->
Штајнмаер под силни критики поради планот да ја посети Саудиска Арабија
-->
Германскиот министер за надворешни работи Франк Валтер Штајнмаер ги вознемири партиите и пратениците во Бундестагот поради најавата да присуствува на фестивал на културата во Саудиска Арабија, тврди весникот Ди Велт.
Весникот пренесува дека меѓу незадоволните од планот на Штајнмаер да го посети градот Јандриах кој се наоѓа на 42 километри од Ријад е и шефот на комисијата за надворешна политика во германскиот парламент Норберт Ротген кој смета дека посетата на фестивал во време кога во Саудиска Арабија се случуваат масовни егзекуции е грешка.
Против планот на Штајнмаер е и заменик претседавачот на ЦДУ на канцеларката Меркел, Армин Лашет.
"Во светлината на неодамнешните масовни убиства и нарушувања на човековите права министерот Штајнмаер треба да се воздржи од учество на забавен фестивал заедно со властите во Ријад“, вели Лашет. Против планот на Штајнмаер е и левичарската партија „Ди Линке“ а голем број други политичари одбиваат јавно да го кажат својот став за посетата која што е потврдена од германскиот амбасадор во Ријад.
Властите во Саудиска Арабија неодамна извршија јавно погубување на 47 граѓани меѓу нив шиитскиот клерик шеикот Нимр ал - Нимр. Егзекуцијата предизвика протести од шиитските политички и религиозни лидери кои што кулминираа со напад на саудиската амбасада во Техеран.
-->
-->
-->
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден