Шпанија олеснува карантински мерки, носењето заштитни маски во јавен транспорт задолжително
Носењето заштитни маски на јавниот превоз во Шпанија ќе биде задолжително од понеделник за да се спречи ново зголемување на бројот на заразени со новиот коронавирус бидејќи државата постепено излегува од изолација, рече денеска премиерот Педро Санчез.
Владата, која досега само „силно препорачуваше“ употреба на маски, в понеделник ќе дистрибуира шест милиони заштитни маски низ целата земја и ќе им обезбеди на градоначалниците и провинциите седум милиони маски да ги дистрибуираат на лице место, додаде Санчез.
Премиерот исто така најави дека Владата ќе одобри фонд за обновување од 16 милијарди американски долари за да им помогне на регионалните власти да се справат со социјална и економска штета од коронавирусот.
Премиерот исто така рече дека одредено ослободување од рестриктивните мерки воведени против ширењето на коронавирусот ќе стапи на сила на 4 мај и увери дека во Шпанија заразата е под контрола.
Почнувајќи од следната недела, рестораните и кафулињата повторно ќе почнат со работа кои ќе може да дистрибуираат храна.
Шпанија е една од најтешко погодените држави. Беа регистрирани над 216.600 случаи. Бројот на смртни случаи е 25.100. Во последниве недели, сепак, нивото на заразата се намали.
Ново на Сител
-
Велика сабота - ден пред Велигден
-
Тема на денот со Христијан Мицкоски, претседател на ВМРО-ДПМНЕ
-
Велика сабота - ден пред Велигден
-
Македонија одбележува 121 година од смртта на Гоце Делчев
-
Велика сабота - ден пред Велигден
-
Димитар Апасиев за изборната програма и ветувањата на Левица
-
Велигденската трпеза годинава поскапа од лани
-
Охрид полн со гости