Шест лица убиени при напад во џамија во Квебек
Шест лица се убиени, а деветмина се повредени, откако вооружени мажи отворија оган врз верниците кои се собрале за вечерна молитва во џамија во канадскиот град Квебек.
Претставник на полицијата потврди дека има убиени, но не го прецизираше нивниот број. Тој исто така наведе дека двајца осомничени се задржани.
Според очевидците, цитирани од локалните телевизии, двајца маскирани мажи влегле во зграда околу 19.15 часот по локално време, и отвориле оган, по што избегале. Радио „Си-Би-Си“ јави дека напаѓачите извикувале „Алах акбар“. Полицијата веднаш дошла на местото на настанот и двајцата напаѓачи биле приведени во околината на џамијата.
Канадскиот премиер Џастин Трудо го окарактеризираше нападот како терористички акт.
„Канаѓаните тагуваат за жртвите на подлиот напад во џамијата во Квебек, напиша Трудо на Твитер.
Трудо изрази најискрено сочуство на семејствата и на пријателите на убиените во нападот и посака брзо закрепнување на повредените.
„Различноста е нашата сила, а нашата најдрага вредност е верската толеранција", рече Трюдо во врска со атентатот.
„Канадските муслимани се важен елемент од нашето национално ткиво и вакви безумни активности немаат место во нашите заедници, во нашите градови и во нашата земја", додаде Трудо.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп