Шекеринска: Екологијата не е загрозена со армискиот полигон Криволак
Екологијата не е загрозена со армискиот полигон Криволак, одговори министерката за одбрана Радмила Шекеринска на новинарско прашање дали ќе се доведеме во некаква опасност со поголемото користење на овој воен полигон.
– Оваа дискусија ја водевме и минатата година и не сакавме да остане на зборови, туку сакавме да зборуваме со факти и со податоци. Затоа минатата година, првпат во историјата на нашата Армија, имавме постојано следење на сите параметри за животна средина во текот на една вежба. И врз база на таа соработка со академската заедница во нашата држава, покажавме дека вежба од тој калибар, од таа големина како минатата година, не предизвика никакви негативни влијанија, заради тоа што ги преземавме сите мерки за заштита. Тоа сум сигурна дека ќе стане стандард, дека практично во секоја голема вежба ќе имаме и следење на сите параметри за животна средина, нагласи вицепремиерката.
Граѓаните, додаде таа, може да сметаат на тоа дека армијата ги штити од опасност, ги штити при епидемии, ги штити при кризи, ,,додека не ги загрозува преку животната средина и бројките тоа го покажаа”.
-Се покажа дека, за жал, некои луѓе, некои структури сакаат да злоупотребат лажни вести дури и по вакви стратешки прашања. Стварно мислам дека стратешко прашање е нашето членство во НАТО, но и заштитата на животната средина. Таа лага не помина и ние со факти и со соработка со нашите универзитети ќе ја демантираме, децидна беше министерката.
Ново на Сител
-
Хоспитализирани уште три лица со голема кашлица, вкупно 631 заразени
-
Бостон прв финалист во НБА плејофот
-
Денеска ќе се одржи Конститутивна седница на парламентарниот состав 2024-2028
-
135 сообраќајни санкции во Скопје
-
Повеќе од 20 лица загинаа во големите бури во САД – 300 илјади луѓе останаа без струја
-
Министрите за одбрана на ЕУ ќе разговараат за помошта за Украина и одбранбената индустрија
-
Прва седница на новиот парламент во Техеран по смртта на претседателот на Иран
-
Советот за безбедност на ОН ќе одржи итен состанок по нападот во Рафа