Северна Кореја соопшти дека вчерашната ракета била тест за развој на разузнавачки сателит
Северна Кореја соопшти дека вчерашното лансирање ракета било дел од развојот на „разузнавачки сателит“, јави државната нова агенција КЦНА, пренесе ДПА.
„Националната управа за развој на воздушниот простор (НАДА) и Академијата за одбранбена наука на Северна Кореја вчера извршија уште еден важен тест, согласно планот за развој на сателити за извидување“, јави КЦНА.
Тестот им помогна на двете тела да ја потврдат „сигурноста на системот за пренос и прием на податоци на сателитот, неговиот контролен команден систем и разните системи за контрола на земјата“, додава севернокорејската агенција.
Извидувачките сателити првенствено се користат за воени цели.
Резолуциите на ОН и забрануваат на Северна Кореја, самопрогласена нуклеарна сила, да тестира балистички ракети, од кои некои можат да носат нуклеарна боева глава.
Пјонгјанг од почетокот на годината ги зголемува тензиите со серијата лансирања на проектили од различен калибар, додава ДПА.
Вчерашното беше деветто вакво лансирање од јануари.
Ново на Сител
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција
-
Претреси во Битола и Македонски Брод, пронајденo оружје и муниција, лишени од слобода две лица
-
Гаши: Значајните историски датуми се потсетник дека треба да дејствуваме заедно во градење современа и просперитетна држава