Северна Кореја првпат призна дека има инсталација за збогатување ураниум
Севернокорејскиот лидер Ким Џонг-ун повика на зголемување на бројот на центрифуги за збогатување ураниум за да се зголеми нуклеарното производство на оружје за самоодбрана, јавија државните медиуми.
Ким го упати повикот за време на посетата на Институтот за нуклеарно оружје и производствената база за „нуклеарни материјали за оружје“, пренесе Севернокорејската агенција КЦНА.
Во соопштението не се открива локацијата на објектите, ниту датумот на увидот. Ова е првпат Северна Кореја јавно да обелоденува постоење на капацитет за збогатување ураниум.
За време на посетата, Ким „ја истакна потребата од дополнително зголемување на бројот на центрифуги со цел експоненцијално да се зголеми нуклеарното оружје за самоодбрана доследно на партиската линија за градење нуклеарни вооружени сили“.
Ким, исто така, го надгледуваше пробното истрелување на нов повеќецевен ракетен фрлач од 600 милиметри, објави КЦНА.
Ново на Сител
-
Општините го чекаат последниот ден за доставување на целосни документации за финансирање на проекти со кредитот од Унгарија
-
ЗНМ: Тужби кои се злоупотребуваат за цензура се најголем предизвик за новинарите
-
Почна судењето за двојното убиство на Вања и Панче
-
Минчев најавува законско решение наместо балансерот
-
Таравари: Одлуката на Уставниот суд за балансерот е избрзана
-
ТАВ подготвува мастер план за развој на аеродромите во Скопје и Охрид
-
Спасителите и оваа година со бројни интервенции
-
Во Струмица ќе се градат дополнителни 5,5 километри велосипедски патеки