Сергеј Лавров утре во посета на Словенија и Србија
- Шефот на руската дипломатија Сергеј Лавров утре ја почнува посетата на Словенија и на Србија.
Лавров прво ќе престојува во Љубљана, каде ќе има средби со словенечкиот државен врв и ќе потпише меморандум за основање на Меѓународен центар на Втората светска војна, по што утре вечер ќе пристигне во Белград.
Посетата на рускиот министер за надворешни работи на Белград се остварува на покана на шефот на српската дипломатија Ивица Дачиќ по повод одбележувањето на 180 години од воспоставувањето на дипломатски односи меѓу Србија и Русија.
За време на дводневата посета на Србија, како што јави дописникот на МИА од Белград, Лавров ќе се сретне со српскиот претседател Александар Вучиќ, премиерката Ана Брнабиќ и шефот на дипломатијата Ивица Дачиќ, со кои ќе разговара за билатералните односи, економската соработка, состојбата на Западен Балкан и Косово.
Средбата на Лавров со Вучиќ е предвидена за утре вечер.
В четврток, шефот на руската дипломатија ќе присуствува на презентацијата на мозаикот на куполата на црквата Св.Сава, по што на свечена церемонија на Дачиќ ќе му го врачи Орденот за пријателство, со кој беше одликуван од рускиот претседател Владимир Путин.
Во пресрет на посетата на Белград, Лавров изјави дека Москва не се противи на приближувањето на Србија и на земјите од регионот во ЕУ, но и дека изборот кој Брисел го поставува пред земјите кандидат - или Русија или Запад - е погрешна политика.
Лавров оцени дека Западот го прекршил „џентлментскиот договор“ за неширењето на НАТО кон руските граници, игра во која се вовлекува и Балканот, а во тој котекст беше спомената и Македонија и нејзините аспирации за влез во НАТО.
Тој нагласи дека Русија е заинтересирана за „зачувувањето на историските, духовните, културните врски со пријателите на Балканот“, додавајќи дека Москва ќе го прифати кое било решение што ќе го договорат Белград и Приштина.
Според Лавров, Русија неотстапува од намерата да се реши проблемот со дипломатскиот статус на Хуманитарниот центар во Ниш.
Ново на Сител
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска