Сенатот на Мисисипи ги одобри смртните казни во гасна комора или со електрошокови
Сенатот на американската сојузна држава Мисисипи синоќа одобри гасната комора и електрошокот да се додадат како варијанти за извршување на смртната казна, што ќе се применуваат во случаите кога судовите ќе бидат спречени од државните власти да ги купат медикаментите за давање смртоносна инјекција, пренесоа американските медиуми.
Смртоносната инјекција е единствениот дозволен метод за егзекуција во Мисисипи. Државата е исправена пред судски предмети, во кои странките тврдат дека лековите што се планира да се употребат во смртоносната инјекција можат да ја нарушат уставната забрана за наметнување жестоки и необични казни.
На 8 февруари Долниот дом на државата Мисисипи гласаше за одобрување на егзекуциите со стрелање, електрошок или гасна комора. На 23 февруари комисија на Горниот дом го исклучи стрелањето и вчера гласаше за враќање на предлог законот во Долниот дом.
Државата не успева да се снабди со лекарствата што своевремено ги користеше. Во 2012 година беше последната егзекуција која се изврши на нејзина територија.
Вкупно 33 држави во САД дозволуваат извршување на смртната казна, но само Оклахома и Јута дозволуваат нејзино извршување со стрелање, соопшти Центарот за информации за смртна казна, цитиран од американските медиуми.
Ново на Сител
-
Отворена нова канцеларија на управните служби на МВР во Сарај
-
МВР апелира за нови интернет измами: Граѓаните да не споделуваат лични податоци и податоци од платежни картици
-
Претрес во липковско: Пронајдени дрога и оружје, приведени две лица
-
Платите на наставниците и професорите ќе се покачат за 5%
-
20 годишник од Врапчиште се шетал со гасен пиштол и електро шок
-
Во село Спанчево пронајдена граната од Прва светска војна
-
Радовишанец удрил девојче со автомобил и избегал
-
Таравари: Вреди го подготвува Законот за правична застапеност