Семејна драма во Џепчиште, син истепал татко
Со повреди по главата и исеченици на десната надлактица и десното рамо се здобил И.Л.(68) од тетовското село Џепчиште по семејното насилство што синоќа нешто пред 22 часот и 30 минути врз него го извршил неговиот син Е.Л.(33) со кого живееле зедно во иста куќа, информираше денеска портпаролот на СВР Тетово Марјан Јосифовски.
Според неговите податоци, таткото и синот започнале вербална расправија откако синот го паркирал возилото на тревникот во дворот од заедничката куќа. Расправијата брзо излегла од контрола по што синот најпрвин со тврд предмет повеќепати го удрил татко му по главата а потоа со остар предмет му нанел расеченици на десната надлактица и десното рамо.
Повредениот бил пренесен во тетовската клиничка болница од каде по укажаната помош бил пуштен на домашно лекување додека синот бил приведен во полициската станица Тетово и по извршениот разговор , во координација со јавниот обвините, бил пуштен.
На местото од инцидентот бил извршен комплетен увид при што биле подигнати траги за вештачење, а по утврдувањето на точниот вид на повредите и расчистување на целиот случај против синот ќе има соодветен поднесок, најави Јосифовски.
Според податоците на полицијата, во изминатите осум месеци од годинава на поширокото тетовско подрачје кривично пријавени се 39 случаи на семејно насилство во кои биле инволвирани 38 сторители. Јосифовски посочи дека при овие инциденти станува збор за посериозни случаи на ваков вид насилство со континуирано психичко и физичко малтретирање и со нанесување телесни повреди. Во истиот периодот во Полициската станица Тетово регистрирани се и 26 поплаки кои се однесувале на семејно насилство и кои биле заокружени со писмено или усно предупредување зашто жртвите не барале кривичен прогон туку насилниците само да бидат предупредени.
Ново на Сител
-
Мицотакис: Имаме „оружје“ за тактиките на Мицкоски, ама не го откриваме
-
Воена помош и оружје - Донесен украински пакт за помош на Украина на НАТО самитот
-
СДСМ обвинува дека со кредитот државата оди во политичко заложништво, за власта ова се најповолни услови досега
-
„Не сум земал поткуп, ме наместија“, рече судијата Георгиев кој беше фатен со 10 илјади евра мито
-
Кривична пријава за Бесија Илјази – Ја оштетила Токсикологија за 10.000 евра
-
Врие од полиција во скопски Центар по вознемирувачките снимки објавени во јавност
-
Верска молитва во Собранието
-
Се полнат местата во пониските ешалони