Седници за пет собраниски комисии
Во Собранието на Република Македонија денеска седници ќе одржат комисиите за економски прашања, за образование, наука и спорт, за финансирање и буџет, за надзор над работата на УБК и Агенцијата за разузнавање и Законодавно-правната комисија.
На дневен ред на собраниската Комисија за економски прашања е Разгледување на извештајот на Законодавно-правната комисија по Предлог-законот за изменување и дополнување на Законот за возила во второ читање.
Членовите на Комисијата за образование, наука и спорт ќе расправаат за Статутарната одлука за изменување и дополнување на Статутот на Државниот универзитет во Тетово (прва фаза).
На дневен ред на Комисијата за финансирање и буџет се Предлог - Буџетот на Република Македонија за 2016 година во второ читање и Предлог - законот за извршување на Буџетот на Република Македонија за 2016 година, по скратена постапка во второ читање.
Комисијата за надзор над работата на УБК и Агенцијата за разузнавање ќе ги разгледува Годишниот извештај за работата на Агенцијата за разузнавање во 2014 година, Извештајот за работата на Управата за безбедност и контраразузнавање во 2014 година и Програмата за работа на Управата за безбедност и контраразузнавање за 2015 година.
на дневен ред на Законодавно-правната комисија се предлог-законите за изменување и дополнување на законите за катастар на недвижности, за процена, за медијација, за вештачење, за Академијата за судии и јавни обвинители, за безбедност и здравје при работа, за задолжително капитално финансирано пензиско осигурување, за заштита на децата, за социјалната заштита и Статутарната одлука за изменување и дополнување на Статутот на Државниот универзитет во Тетово (прва фаза).
Ново на Сител
-
ИДФ тврди дека значително е оштетен објектот за збогатување ураниум во Натанц
-
Кривични пријави против две правни и две физички лица за бесправно градење
-
Сијарто: Не е само до Бугарија, членките во ЕУ што го поддржуваат проширувањето кон Западен Балкан се малцинство
-
Пуштен патот од Охрид до Св. Наум, со 11,7 милиони евра обновени 24,4 километри
-
Трамп: Израелските напади врз Иран се одлични
-
На огласот за самовработување пријавени над 2500 лица
-
Вкупниот промет во индустријата зголемен за 6 проценти во април на годишно ниво
-
Иран соопшти за најмалку 95 повредени во израелските напади во текот на ноќта