Седмо издание на Меѓународниот театарски фестивал во Тетово

Националната установа „Тетовски театар“ е домаќин на седмиот меѓународен театарски фестивал во Тетово од утре до 2 октомври на кој ќе бидат одиграни шест претстави. Покрај театрите од Скопје и Тетово гостуваат и претстави од Турција, Албанија и Косово.

-Очекуваме граѓаните да го посетат фестивалот. Влезот е 100 денари, астуденти се ослободени од плаќање.  Фестивалот е помогнат од Министерството за култура со буџет како и порано од два милиона денари, пари со кои се покриваат трошоци. Се надеваме дека ќе го подигнеме нивото на уметноста во нашиот град. Нека биде недела на тетарот, истакна Бурхан Амити, актер од Тетовски театар на денешната прес конференција.

Фестивалот почнува на со претставата „Жива сфинга“ од Национален театар Косово. На 28 септември е претставата  „Странци“ на Драмски театар од  Скопје која ќе се изведува на македонски јазик. Домаќините Тетовски театар настапуваат на 29 септември со првата реприза на „Едно изгубено писмо“. Албаниан денс театар од Тирана, Албанија на 30 септември ќе се претстави со драмата „Јас секогаш имам една шамија во својот џеб“. Гостите од Турција, театарската група Атакент од Истанбул настапуваат на 1 октомври со претставата „Џинот со сини очи“.  Последниот ден ќе се игра претставата „Зона на чекање“ од театар Миѓени од Скадар, Албанија.