-->
-->
Се зголемува бројот на млади пчелари во Македонска Каменица
-->
Во Македонска Каменица во последните години се поголем е интересот од страна на младите пчелари за пчеларството. Еден од нив е и 37-годишниот Илчо Велков од Македонска Каменица. Тој веќе пет години се занимава со одгледување пчели. Годинава стигна до 40 пчелни семејства кои локациски се наоѓаат во село Тодоровци и за него се вистинска пасија на која го посветува слободното време.
-Пчелите се сместени на прекрасна локација веднаш над Калиманско езеро над патот Делчево – Македонска Каменица. Имам околу 40 пчелни семејства и задоволен сум од изминатата година. Речиси се е продадено, бидејки медот е квалитетен и надалеку се бараше. Ако е добра годината количински може да се стигне и до еден тон, инаку просечно околу 700 килограми. Климата е идеална, медот е чист природен без никакви додатоци, така што побарувачката сама го покажува тоа, вели Велков.
Препорачува, секој кој знае малку за пчелите, да започне со пчеларење, бидејки бенефитот е огромен особено по здравјето.
-Не е се во парите, најважно е прво да се сака работата, да се сакаат пчелите, па потоа да се мисли за заработка. Мене ми е „ќеф” што велиме ние да ја работам оваа работа во слободно време, бидејќи на оваа ширина над Калиманското езеро најпрво уживам и тоа е се што е важно. За здравствените придобивки и да не зборуваме, додава Велков.
Поради зголемениот интерес за пчеларење во Македонска Каменица се изгради Парк на пчеларите, а редовно се вложува и во надоградување на знаењата за пчеларството со посета на обуки и предавања, кои во неколку наврати од еминентни имиња беа реализирани и во Македонска Каменица. Секоја година пчеларите организираат и Пчеларска вечер која годинава е закажана за 22 февруари.
-->
-->
-->
Ново на Сител
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци