Се продаваат стопански и парцели за домување во Прилеп

 

На денешмната прес-конференција Александар Јованоски од одделенеито за урбанистичко планирање во локалната самоуправа објасни дека објавата е во тек.

 

- Станува збор за седум градежни парцели кои се нудат за продажба во индустриската зона „Прилеп 2“ во населбата „Сточно пазарише“ на периферијата од градот. Тие се во делот од индустриската зона наменети за сервиси, мало стопанство и за стоваришта. А 20-те нови парцели за домување се нудат на продажба за семејни куќи во новата населба „Градина“ кај некогашните прилепски оранжерии, појасни Јованоски.

 

Јованоски информира дека пријавите за учество на јавното наддавање може да се достават електронски.

 

- Почетна цена е 61 денар за еден метар квадратен со 10 денари чекор за наддавање за парцелите наменети за домување во населбата „Градина“ и 100 денари чекор за наредно наддавање за градежните парцели  во индустриската зона „Прилеп 2“. Право на учество имаат сите физички и правни лица од Македонија и од странство, а депозитот кој треба да се уплати е 30 проценти од вкупната почетна цена, рече Јованоски.

 

Прилепскиот градоначалник Марјан Ристески ги повика граѓаните и сите заинтересирани домашни и странски инвенститори да се пријават по електронски пат и да учествуваат во елкетронското надавање.

 

- Локалната самоуправа е обврзана инфраструктурно да ги уредува и индустриската зона и населбата „Градина. процесот е во тек. Се гради патната инфаструктура, водоводот, канализационата мрежа и се асфалтираат улиците, вели Ристески.