-->
-->
Се градат три патни правци во Крива Паланка
-->
Започна изградбата на три локални патни правци во Крива Паланка, a се врши асфалтирање и санација на повеќе градски и приградски улици.
Се работи на т.н Руски пат до манастирскиот комплекс „Свети Јоаким Осоговски“, а започнаа активностите и на патниoт правец во село Жидилово и во Kалин Камен.
Oд локалната самоуправа на општината најавија пролетна градежна офанзива во општината.
- Интензивно се работи на расчистување на трасата на патот кон манастирот, во консултација со експерти градежниците вршат ублажување на големата нагорнина на најголемито свиок на патот. Овој нов пат ќе овозможи побрз пристап до манастирот, со оглед на тоа што на постојнит пат се појавија свлечишта, а на места патот пропаѓа, информира Арсенчо Алексовски, градоначалник на Крива Паланка.
Останатите два патни правци опфаќаат вкупна изградба на три километри нов асфалтен пат.
- Освен овие два километри нов пат до манастирот, во туристичкито локалитет Калин Камен ќе се изградат уште два километри од м.в. Ловечка куќа до Езерцето, а во село Жидилово еден километар. За трите патни правци ќе бидат вложени околу 45 милиони денари,обезбедени од Агенцијата за финансиска поддршка на земјоделието и руралниот развој, додаде Алексовски.
Во општината во тек е асфалтирање и на неколку градски улици во рамки на програмата за изградба и одржување на локална патна инфраструктура, а отпочна и проектот за изградба на три канализациони системи во руралните подрачја, но и во градот.
- Се гради канализација во село Мождивњак, потоа во село Далбочица, а со проектот ќе се прави канализација и во Дурачка Река. Сите се финансираат од АФПЗРР, со средства во висина од 20 милиони денари,потенцира Алексовски.
-->
-->
-->
Ново на Сител
-
Дизелот поевтинува за 2,5 денари
-
Нетанјаху: Сега имаме одлична можност да шириме мир во регионот
-
Солун и островите Скијатос, Скопелос и Алонисос се поврзаа со бродска линија
-
Орбан: Ќе има правни последици за организирање на Парадата на гордоста во Будимпешта
-
Приведен крадец од Куманово, украл мобилни телефони од продажен салон
-
Родителите и феноменот „омилено дете“
-
Истражување: Над 500 видови птици ќе исчезнат до крајот на веков
-
АПЕЛ ЗА ПОМОШ на трите сестрички од Драчево жртви на семејно насилство од нивниот татко