Се апсеа нарко дилери во тетовско - гостиварскиот крај

Полициски службеници на Секторот за внатрешни работи Тетово навчера во 6,30 часот извршиле претрес во домот на 21-годишниот тетовец О.Е, на улица „Александар Јовановски-Журчин“ во Тетово. При претресот, реализиран со судска наредба, пронајдена е марихуана, дробилка и зипер кесички. О.Е. е лишен од слобода и против него ќе следува соодветен поднесок.

Вечерта  во 19,00 часот на магистралниот пат Гостивар-Кичево во близина на наплатна станица од страна на полициски службеници од Полициската станица Гостивар при извршен преглед кај лицата В.Р.(38) од с.Градец-гостиварско и Ѓ.Ф.(47) од Гостивар бил пронајден кокаин. Лицата биле приведени во Полициската станица Гостивар за понатамошна постапка. 

Попладнето  во 13,00 часот на магистралниот пат Гостивар-Кичево во близина на наплатна станица од страна на полициски службеници од Полициската станица Гостивар при извршен преглед кај лицата Б.В.(41) и Т.В.(37) двајцата од Скопје бил пронајден хероин. Лицата биле приведени во Полициската станица Гостивар за понатамошна постапка.