СДСМ: Лицемерно е ВМРО-ДПМНЕ, партија со извршители на врата да зборува за домаќинско работење и трошење
Реакција на соопштението на ВМРО-ДПМНЕ за економската состојба
ВМРО-ДПМНЕ партијата со замрзнат имот, блокирани сметки и извршители на вратата на Белата палата, олицетворение на расипничкото владеење, не може да зборува за економија, уште помалку да критикува.
ВМРО-ДПМНЕ кога критикува, заборава да каже дека Владата предводена од СДСМ ги исплатува и нивните доспеани долгови и тоа во време на криза.
Факт е дека и покрај тешката година на светска криза, во 2021 година како држава успеавме да влеземе со целосно стабилна финансиска состојба, ликвидна и солвентна.
Факт е дека преку четири економски пакети вредни над 1.1 милијарда евра Владата предводена од СДСМ помогна на над 400.000 граѓани, спаси над 100.000 работни места и ги поддржа македонските компании.
Факт е дека ВМРО-ДПМНЕ ги кочеше сите процеси на поддршка, последниот во Собранието со што беа против финансиска поддршка на пензионерите, невработените, младите.
Буџетот за 2021 година е развоен, плански, со и натаму предвидена поддршка, а отвара можност и за искористување на нови економски потенцијали.
Колку и да се обидува, ВМРО-ДПМНЕ нема да успее да застане на патот на напредокот на државата.
Следува трансформација на општеството по европски стандарди, со десет приоритети врамени во „Акција 21″ со што ќе продолжат и капиталните инвестиции.
Додека ВМРО-ДПМНЕ блокира, кочи, се однесува деструктивно, Владата предводена од СДСМ, прави се` во интерес на граѓаните и државата.
Граѓаните тоа го препознаваат и затоа ВМРО ДПМНЕ уште долго останува во опозиција.
Центар за комуникации со јавноста на СДСМ
Ново на Сител
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат
-
Владата на САД го одзема правото на Харвард да запишува странски студенти
-
Трипуновски: Новиот Закон за земјоделство и рурален развој на ЕНЕР, акредитацијата на ИПАРД 3 не е загрозена
-
Мексико се уште преговара со Трамп за царините
-
Холандската централна банка до граѓаните: Секое домаќинство да има кеш - 70 евра по возрасен и по 30 евра по дете
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто