Саудиска Арабија воведува тригодишна забрана за патување
Саудиска Арабија ќе воведе тригодишна забрана за патување за граѓаните кои ги кршат прописите, патувајќи во земјите од „црвената листа“, поради напорите да се спречи ширењето на коронавирусот и неговите нови видови, објави денеска државната новинска агенција.
Агенцијата цитираше неименуван службеник во Министерството за внатрешни работи дека некои државјани на Саудиска Арабија, на кои во мај им било дозволено да патуваат во странство, без претходна дозвола од властите првпат од март 2020 година, ги прекршиле регулативите за патување.
– За секој што ќе се докаже дека ги прекршил регулативите за патување, ќе подлежи на законска одговорност и големи казни по враќањето во земјата и ќе му биде забрането да патува три години, рече официјалното лице.
Саудиска Арабија забрани патување или транзит во неколку земји, вклучувајќи ги Авганистан, Аргентина, Бразил, Египет, Етиопија, Индија, Индонезија, Либан, Пакистан, Јужна Африка, Турција, Виетнам и Обединетите Арапски Емирати.
Ново на Сител
-
Познати се полуфиналните пресметки во ракометната лига на шампиони
-
Србија, Хрватска и Словенија во финалето на „Евросонг“
-
Македонските ракометари вечерва го стартуваат мундијалскиот бараж против Фарски Острови
-
Не е почнато навреме гласање на едно место во Тетово поради апаратот за идентификација
-
Русија утринава почнала масовен ракетен и напад со дронови врз Украина
-
ЛШ: ПСЖ ја пречекува Борусија и се надева на второ финале
-
„АстраЗенека“ ја повлекува од пазарот во ЕУ својата вакцина против Ковид-19, неколку месеци по признавањето за нуспојави
-
Одложено судењето на Трамп за тајните документи, датум за продолжување на процесот не е утврден