Санација на неколку улици во Општина Илинден

Во Општина Илинден во тек е санација на улицата „19“, дел од улица „9“, четири делови од улицата „500“ во Марино, улицата „6“ и паркинг просторот пред црквата „Свети Илија“, во Кадино.

Како што информираат општинските власти, во насока на поголема безбедност на учесниците во сообраќајот, на повеќе локации во тек е обележување на хоризонталната сообраќајна сигнализација.

-Изградбата и реконструкцијата на локалната патна инфраструктура останува еден од приоритетите на локалната самоуправа и во наредниот период, се наведува во соопштението на Општина Илинден.