САД: Не ја снабдуваме сириската опозиција со преносен систем за противракетна заштита

Американскиот Стејт департмент соопшти денеска дека САД не ја снабдуваат сириската опозиција со противавионски ракети, кои се истрелуваат од рамо (МАНПАДС). 

- Факт е дека не ја снабдуваме сириската опозиција со ниту еден вид на МАНПАДС. Нашиот став за МАНПАДС не се сменил и би биле мошне загрижени, кога таков вид оружје би пристигнало во Сирија, изјави портпароот на Стејт департментот Марк Тонер. 

Русија претходно соопшти дека одлуката на САД да го ублажи ограничувањето во вооружувањето на сириските бунтовници отворила можност за испорака на противавионски ракети, кои се истрелуваат од рамо, што директно би ги загрозила руските сили ви Сирија.