САД: Договорот на Србија со Русија е изненадувачки и чекор во погрешна насока
САД сметаат дека ниту една земја не треба да ја проширува соработката со Русија додека таа ја продолжува својата агресија врз Украина, објави американскиот Стејт департмент во врска со одлуката на Министерството за надворешни работи на Србија да потпише план за консултации со руското Министерство за следните две години, јави дописникот на МИА од Белград.
Документот беше потпишан минатата недела, за време на Генералното собрание на ОН во Њујорк, од шефот на српската дипломатија Никола Селаковиќ и рускиот министер за надворешни работи Сергеј Лавров.
Селаковиќ порача дека тоа е технички документ кој е потпишан од 1996 година и дека содржи наводи поврзани со Косово и надворешната политика и дека во него нема елементи на безбедносна политика.
Портпаролот на Стејт департментот, како одговор на барањето на Гласот на Америка за коментар, синоќа изјави дека „вестите за договорот се изненадувачки и во целосна спротивност со другите конструктивни средби што се одржаа со српските претставници во Њујорк“,не прецизирајќи за кои средби станува збор.
Во Њујорк, српскиот претседател Александар Вучиќ меѓу другите разговараше со советникот за национална безбедност на Белата куќа Џејк Саливан и потсекретарот за политички прашања Викторија Нуланд,.
-Понатамошното усогласување со Русија е чекор во погрешна насока и е во спротивност со изразените европски аспирации на Србија… Србија треба да ги забрза чекорите за напредување на европскиот пат, вклучително и диверзификација на изворите на енергија за намалување на енергетската зависност од Русија и усогласување на надворешната и безбедносната политика со ЕУ, нагласи неименуваниот портпарол на Стејт департментот.
Од Стејт департментот порачано е дека САД „продолжуваат силно да ја поддржуваат целта на Србија да стане членка на ЕУ“.
-Јасно е дека Русија не го поддржува пристапувањето на земјите од Западен Балкан во Европската унија и само се обидува да предизвика поделби во регионот. Иднината на Западен Балкан е недвосмислена во ЕУ, проширувањето промовира долгорочно мир, стабилност и просперитет во целиот регион, се заклучува во реакцијата.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО