Руските и сириските сили тврдат дека не го бомбардирале хуманитарниот конвој
Руските и сириските сили не се вмешани во воздушните напади на конвојот кој превезувал хуманитарна помош во близина на Алепо, во Сирија, соопшти денеска Министерството за одбрана на Русија.
Сириската војска, исто така, негираше дека учествувала во синоќешното бомбардирање на конвојот.
- Сите информации за локацијата на конвојот беа достапни само на милитантите кои ја контролираат оваа област, истакна портпаролот на руското Министерство за одбрана Игор Конашенков.
Тој дополни дека по проучувањето на видео-снимката не е забележано дека на југозапад од Алепо погоден хуманитарниот конвој. Конашенков укажа дека милитантите од Ал Нусра фронот вчера, токму во тоа подрачје, почнале голема офанзива, користејќи тенкови и артилерија.
- Внимателно ги проучивме видео-снимките од т.н. активисти од местото на настанот и не пронајдовме никакви назнаки за гаѓање на конвојот. Не постои кратер, автомобилите немаат физички оштетувања од детонацијата на авионските бомби. Се што е прикажано на видео-снимката е директна последица на палењето на товарот, што на некој чуден начин е изведен истовремено со изведувањето на големата офанзива на милитантите во Алепо, истакна тој.
Конашенков дополни дека оној кој го предизвикал пожарот, како и неговите причини, можеби е познат на членовите на „белите шлемови“, организација блиска до Нусра фронтот, кои „случајно“ се нашле на вистинското место во вистинското време со видео камери.
Во воздушниот напад кај Алепо, извршен врз хуманитарен конвој, загинале околу 20 цивили, соопшти Црвениот крст, дополнувајќи дека меѓу загинатите е и еден нивни член.
Ново на Сител
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска