Рускиот опозиционер Алексеј Навални одново е прогласен за виновен
Рускиот опозициски политичар Алексеј Навални и на повтореното судење во градот Киров, одново е прогласен за виновен, во случајот за проневера, јавуваат руските медиуми.
Судијата ја нема определено казната, но обвинителството побара Навални да биде казнет со пет години затвор, условно.
Каква и да биде неговата казна, тој не ќе може да учествува во изборите за претседател на Русија, предвидени за идната година, за кои претходно најави дека ќе се кандидира.
Овој процес, се одржа откако Европскиот суд за човекови права , пресуди дека во првото судење, Навали немал фер и чесно сослушување.
„Случајот Навални„ се провлекува неколку години и се однесува за времето кога има работено како советник кај гувернерот на Киров.
Осудениот опозиционер тврди дека целиот случај против него е „монтиран и политички мотивиран“.
Навални (40) е познат во руската јавност по неговата пресметка со домашната корупција, обвинувајќи за тоа високи функционери, блиски со Кремљ.
-Со одржувањето на овој случај сакаат само да ме држат надвор од политиката, изјавил Навални за странските медиуми.
Во политиката е влезен од 2008 година, кога со серија блогови почна да ги обвини компаниите кои се под државна контрола, дека се корумпирани и дека ја „хранат“ корупцијата во Русија.
Во 2013 година, тој учествуваше во изборите за градоначалник на Москва и успеа да освои една третина од гласовите.
Во својата пресметка со партијата на претседателот Владимир Путин- Обединета Русија- Навални вели дека таа е составена од „лажговци и крадци“.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“