Руската Дума треба да се изјасни за суспендирање на спогодбата со САД
Рускиот Парламент денеска треба да се изјасни за суспендирање на спогодбата меѓу Русија и САД за уништување на плутониумот од демонтираните нуклеарни боеви глави, кој може да се употреби како нуклеарно оружје, а се очекува дека нацртот на тој закон ќе биде усвоен.
Рускиот претседател Владимир Путин го најави тој чекор на почетокот на октомври. Во Долниот дом, во кој партијата Единствена Русија има мнозинство, законот сигурно ќе биде изгласан.
Без проблеми се очекува да мине и гласањето во Советот на федерацијата, така што законот би можел да стапи во сила следните недели.
Спогодбата меѓу рускиот државен атомски концерн Росатом и Министерството за енергетика на САД е потпишана во 2000 година, по преговорите, кои почнаа уште во 1990 година.
Со спогодбата е предвидено уништување на 34 тони плутониум, што би можел да се употреби како нуклеарно оружје.
Ново на Сител
-
СЗО: Копнен напад врз Рафа ќе доведе до крвопролевање
-
Четириесет и четири години од смртта на Јосип Броз Тито
-
Состојба на патиштата
-
Променливо облачно со повремени врнежи од дожд
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време