Русија прогласи вонредна состојба во дел од регионот Воронеж по напад со дрон
Русија прогласи вонредна состојба во регионот на Воронежската област што се граничи со Украина по полноќен напад со дрон, објави денеска локалниот гувернер Александар Гусев на својот канал на социјалната мрежа Телеграм.
Според него, руските сили пресретнале пет беспилотни летала. Паѓањето на остатоци предизвикало пожар што предизвикал детонација на експлозивни предмети.
Ниту една станбена зграда не е оштетена, но властите мораа да воведат итни мерки во три населени места во регионот Острогож и да евакуираат 200 луѓе, наведе тој.
„Поради ликвидација на последиците од пожарот и детонација на експлозивни предмети во Острогожската област, воведена е вонредна состојба на територијата на три населени места. Евакуирани се вкупно околу 200 лица“, меѓу кои и жителите од едно село, истакна Гушев. „Одвоен е пункт за привремено сместување, но речиси сите жители отидоа кај своите роднини. Оние кои живеат во соседното село се информирани за безбедносните мерки“, додаде гувернерот на руската област Воронеж.
Ново на Сител
-
Несими останува тетовски муфтија
-
Врховната Рада на Украина усвои закон за воена служба по договор за странци
-
ЛШ: Интер без Димарко и Арнаутовиќ против Манчестер Сити
-
Хезболах го обвинува Израел за експлозиите во Либан, расте бројот на загинати
-
Функционерските таблички во различна боја
-
Осум загинати, 2.750 повредени по експлозиите на пејџери низ Либан
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел