Русија и Индија договараат зделки вредни 150 милијарди долари

Претседателот на Русија, Владимир Путин оствари денеска средба со премиерот на Индија, Наредра Моди при што беше најавена развојна програма за индискиот одбранбен систем во вредност од 150 милијарди долари.

Моди вчера пристигна во дводневна посета на Русија. Двајцата лидери вчера разговараа зад затворени врати.

Моди на Твитер објави дека разговорот бил фокусиран на индиско-руските односи. Премиерот на Индија објави и фотографии од размена на подароци со рускиот претседател.

Според руски медиуми, планирано е потпишување низа договори во секторот на нуклеарната енергетика. Индија минатата недела одобри купувње руски противавионски ракетен систем С-400, што е најголем воен договор меѓу двете држави во изминатата деценија.